miércoles, 13 de julio de 2011

Semana negra

Una semana negra somos levando y soportando por a enrestida d´o reaccionarismo, colonialismo y espanyolismo.

De primerias enrestioron con o colonialismo hidraulico. Con avances en a tramitacion de proyectos que esferran a tierra y o meyo natural. Por l´anglucia d´o capitalismo e intreses achenos a Aragon y que amanan a menaza d´o trescole. Una traza d´obras que no parixe afectar-le a crisi ta recullir muitos diners. ¿Qui va a bosar-los?

O consello de ministros espanyol aprebaba cien millones d´euros ta Yesa, que ya son en total 277 millones seguntes Rio Aragon. Ta continar castigando a una redolada porque l´anglucia d´os regants no tien fin. Ye antimas una obra periglosa y que aduya a que se faiga o trescole en o esdevenidero, mas que mas si bi ha un gubierno d´o PP.

Os cambeos en Mularroya que no han pasau por informacion publica como caleba fer-lo por a Directiva Marco d´augua. En un exercicio antidemocratico y sin garra rispeto por os afectaus. Amostran istos cambeos improvisacion en o proyecto. Encara que nunca no calio prencipiar as obras pos ya allora yera ilegal.

Tamien o ministerio de meyo ambient aprebó a declaracion de impacto ambiental de Biscarrues. Un entibo que va a estricallar muitos puestos de treballo en a Galliguera porque afogara o suyo meyo de vida que ye o rio Gallego y o turismo que chenera. Quan bi ha muitas redoladas que tien problemas de despoblacion por manca d´o esdevenidero, una que si que´n tien, lo estricallan.

Ta rematar Rudi confirma que derogara a lei de luengas. Fendo atra vegada ciudadants de primera y segunda por razon de luenga y fendo amortar l´aragones. Vergonyoso. Y con o refirme d´o PAR, un partiu que encara tien l´A d´aragones. Con muita chent colonizada de raso que ha votau isto y que le fa goyo de veyer-lo. Como s´estricalla parti d´a nuestra cultura. Chent que se creye as mentiras sobre l´imposicion, o no s´han leyiu a lei o no sapen comprender lo que leyen. Caldra tornar a treballar solos sin refirme d´o gubierno, como diz Tierra de Barrenaus y que nomas pendera d´os fablants d´o aragones que contine vivindo.

Soi con Purnas que ya ye prau.

No hay comentarios: