Mallacan estio lo pasau estiu en o important festival Fujirock y atras cinc actuacions en Chapon. Una buena traza de contrimostrar a vichencia de l´aragones. Muito luen d´o nuestro pais prou chent podio desfrutar d´a buena mosica y en aragones. Cal emplegar l´aragones en cualsiquier puesto y actividad. No nomas en etnografia, folklore o como bella cosa d´o pasau. Sin garra complecho. A mesma colla mosical naixio tamien ta fer servir l´aragones en uns atros cheneros de mosica antiparte d´o folklore aragones.
Dimpues d´a productiva esperencia, a colla truxa en Youtube un video sobre o suyo viache. A un pais muito esferent que Aragon, atra cultura y atra traza de vida de raso esferent. An se puede truxar y aprender cosas uno d´o atro. Un pais con muito consumo pero tamien con muito respeto a las tradicions.
Con intes en o Fujirock como veyer undiar una estrelada entre a chent, a milentas de kilometros, en l´atro canto quasi d´o mundo. Levando a mosica y o mensache d´as suyas cantas sobre os problemas d´o nuestro pais y a solidaridat con atras luitas. Rematando con Fernando dencima d´os brazos d´o publico que heba estau danzando con a mosica de Mallacan. Norabuena por fer honra a l´aragones.
No hay comentarios:
Publicar un comentario